.

Комплексная распрацоўка гандлёвай маркі бульбы ад Fabula Branding

Замоўца: ААТ «Аграцэнтр Сула»
#Кейсы
4989
0
20 декабря 2017
Замоўца: ААТ «Аграцэнтр Сула»

Задача: комплексная распрацоўка гандлёвай маркі бульбы

Рашэнне:
Прадукт — беларуская бульба вышэйшага гатунку. Мэта, якая стаяла перад намі падчас распрацоўкі гандлёвай маркі, — падкрэсліць сумленны і дбайны падыход вытворцы да сваёй справы, стварыць вобраз адборнага, вырашчанага з любоўю прадукту, і такім чынам вылучыць тавар на паліцы.

У нас не было сумневаў у тым, што брэнд будзе нацыянальна арыентаваным: беларусы славяцца не толькі сваёй любоўю да бульбы, але і ведамі, досведам, экспертнасцю ў вырошчванні і прыгатаванні гэтага прадукту — справах, якія сталі, па сутнасці, сакральнай традыцыяй шматлікіх пакаленняў.

Беларускамоўны нэйм «Бабіна лета» распавядае пра прыгожую пару, калі напачатку кастрычніка на некалькі дзён ці нават на тыдзень нібыта вяртаецца лета — чароўны перыяд напрыканцы збору ўраджаю бульбы.

Галоўным стылеўтваральным элементам дызайн-канцэпту выступаюць чорна-белыя фота брэнд-персанажаў — вясковых бабуль, тых самых носьбітаў традыцыі, досведу, ведаў і любові. Іх вобразы падтрымліваюць нэйм і разам з ім адлюстроўваюць галоўныя ідэі пазіцыянавання — экспертнасць і душэўнасць. Важна адзначыць, што на здымках, зробленых фатографам агенцыі спецыяльна для праекта, не акторкі, а сапраўдныя беларускія гаспадыні ў звычайных для іх жыццёвых абставінах — сітуацыях, звязаных з вырошчваннем і прыгатаваннем бульбы. Імёны і партрэты бабуль на ўпакоўках паўстаюць сімваламі якасці прадукту. А каб яшчэ больш падкрэсліць ідэю экспертнасці, мы зрабілі ўпакоўку як мага болей інфармацыйна насычанай, змясціўшы на ёй карысныя характарыстыкі бульбы, рэкамендацыі па прыгатаванні кожнага асобнага гатунку і рэцэпты народных страў — праўдзівыя і правераныя пакаленнямі.

Лаканічнасць і мінімалізм чорна-белага фотаздымку стварае кантраст з насычаным колерам фону, дапоўненым далікатным патэрнам на тэму «бабінага лета». Гэта надае ўпакоўцы выразнасць і прэміяльны выгляд, вылучае яе на паліцы. Як і вытанчаная тыпаграфіка, фігурная плашка прадуктовай зоны, а таксама аўтарскія значкі інфаграфікі, выкананыя ў гравюрным стылі.

Відавое адрозненне адбываецца па фонавым колеры і фотаздымку з персанажам — кожная бабуля раіць асобны гатунак. Як вынік, свежае і арыгінальнае для катэгорыі рашэнне дазволіла прыцягнуць увагу да новага прадукту і ўдала адмежавацца ад канкурэнтаў.


Если вы нашли ошибку, пожалуйста, выделите фрагмент текста и нажмите Ctrl+Enter.

Рассказать друзьям

0
Комментировать

avatar
  Подписаться  
Уведомление о
by the way

С сайта удаляются комментарии, содержащие: мат и бранную лексику; разжигание межнациональной розни; призывы к экстремистским действиям; возбуждение ненависти, вражды, унижение человеческого достоинства; оскорбления участников дискуссии и героев статей; рекламу; персональные данные, включая телефоны и адреса; спам и флуд. Аккаунты пользователей, нарушающих правила комментирования, блокируются. Мнения авторовов может не совпадать с мнением Редакции.


Отлично!
Каждную неделю мы будем отправлять Вам самые важные новости, оюзоры и самые креативные кейсы.

Сообщить об опечатке

Текст, который будет отправлен нашим редакторам: